我個位個枱底一早已經擺晒box files，連對腳都冇位放，後來發展到張櫈後面都擺滿晒，早排更侵佔埋student helper個位擺box files。今日做做吓野突然諗起，前面個櫃其實有吉位，只係擺咗好多雜物、垃圾，只要執執佢就得，於是展開大掃除行動。

好煩呀﹗一返去已經好多電話，個個都係問幾時有visa、visa寄咗未，嚟俾佢地煩死喇﹗不過點都唔夠上星期四果壇屎咁煩，原來有故仔架﹗

約咗Shirley、米米 & 瑪姬出嚟唱k，同我慶祝生日。之前夾唔到個日子，所以約到今日先出嚟玩。夾到時間，去邊度玩又係另一個令人頭痛既問題，好彩最近大家都好耐冇唱k，咁就唱k啦﹗

尋晚臨瞓前上網睇，見個風應該今日下午先到，都預咗今日要返，點知今朝7點幾起身睇，話8:00am前會掛8號風球，好野﹗唔駛返工。

收到好多messages話聽日會掛8號風球，係真就好喇﹗雖然而家只係1號風球，風平浪靜，不過天有不測之風雲，話唔定個風行快咗，吹到正呢﹗

我將今日命名為入境處來電日，今日收到7個入境處同事打嚟，7個唔同人，簡直係史無前例啊﹗大部份平時都有傾開，其中兩個未接觸過，不過佢地全部都好好人架﹗全部都係學生資料有漏需要補交，冇問題啦﹗我都係追返個學生啫﹗

上星期五Esther諗住搵我傾新contract，不過下晝得我一個看檔，所以約咗今日傾。11月頭先滿約，咁快傾新合約既﹖Esther叫我返去諗下，都冇野諗啦﹗

書展過後，又係一年一度既美食博覽，為食既我，當然唔少得我既參與。今年門票升幅好大，由舊年既$20加至$25，夜場6:00pm後收$10。